Gacsa

N’agaat sharaf lee migaq konnaba lee

Maaci Afrikak wagarih wadbana

Madur waanoy qasa bad nek rigi

Aysuk ni baaxo dadal tikya meqe

 

Qangor

Bandirat ayro lee caddiy fula lee

Milkih lino ayro nek aydadi bilo

Nassagalle kaaya nek itrooy maqara

Bandirat ayro raasu lem sharafa

 

Ni dolatinni rakiboh lee nado

Inkim lee siqbih ikoytay qaxa lee

N’aamoh baxxaqal iraw qidda saro

Sayay salamal ilalan waano lee

 

N’agaat Gabutiy asalam lee raasu

Qibnayti wadbita n’agaat wagak

Racmat  lee siqbi lee badat gita lee

Maskinti reebu Gabutiy ni raasu

 

Bandiratow ku walut yabe lino

Wagri samad qakuk ikraro meqe

Barriy badal carasah qande lito

Saytun silalo hawak nel silisey

 

Walul qarmaqe simbil ni saaro

Bulcil cibara qaran weelo qaxa

Anxax walul bila gannatti caxa

Qidi elle maqnisa wagriy saaya

Cutukti wel qabalay kol caxite