Amo gacsa

Sidiica gaysay amo sittat le

Sidiica'amoley cixu sittat le

Goori l'ayyuntii gicloh asaasa

Gadda le baaxo milki caraata

Qafar aydaadi maysol buxa le

 

Qangor

Konnaba l'ayuntay oba lem qafara

Cakki le kaxxa rabbi baatil maxiqa

Baatil amoh yamaat'ayro kosita le   

Cakki baguk rabta qafar nasri bile

Sin tiyya siinih aydaadi maaqitele

Sin rasu sumutaanamak raaqenih

 

Nan qafaray qaduwi kah yitikiye

Mamari ne xiqe miyi nek tu kale

Ardi bagul qaduwwi itta xine kale

Cayli qaran gudel nefan obe cine

Yalli qafar sinni kuwatat gamise

Yalli qafar xaylo n'aabem alfayda

 

Malcina qalam malisak neh xiinah

Kulli kabuk kah wararen dan geeni

Xina lubak kah uksen migaq genih

Qalaama ceela raysak magaq weni

Nim xaguwa marah culle qahdi lino

Duma ten qafar cabtee xagna linoh

 

Duma gexxe baaxoy gacisne kibu

Fanti rasuy kilbati faagey qasaba

Qunxa foqo ke qadaytu yakke rasi

Darsa-gitay kiloomay gadamaytu

Laaqoy erer mullu maxeriiy xayihi

Duma yen tawaarik inkih gace lee

 

N'ardi le niqmatay neh makuxana

Qafar ardi gadday gadaama mali

Dahabay maqaadiniy daqri linoh

Buqrele kalaytuy ardi kak makafa

Ayti le Qasbo leh silaglee bacarii

Qalamal oysitan gadda lem qafara

 

Qadaqaral lucy lafa aydadu naba

Awash weqayti maduruy naba le

Qasbo le dobih qikuh afdera tani

Sadafay nacaashay dahab luulu

Yalli yece niqmata milki ele linom

Uxih tenem tanih milkil ayti lino