Gacsa

Tahabam amanuk maxina ko geyam

Yoh abay abe taqbil affafuwam

 

Qangoor

Qaxa le is nagus baxay lakqo le

Migaq obba leh akaah rammita

Meqe barra tet nabam sumuta

Qabal elle carte sumeyna’yee

 

Heli baqli qellamay ligdo le

Kibi waq karera heerik cate

Sarro gacsa  yekkelenim cine

Gari kah wadaah karerat tu heh

 

Heli baqli burdaliy ayti le

Isi fiqma cagliteh kabbahe

Bari kah yaceh shifah lafta usuk

Mari ken magibta faxxem tanih

 

Keliseh meqe awki qexeh suge

Cabug iyya diblakay kurewa

Kibbi kalibik radoh tet faxxe

 Abi waga le abte yab foyya abe

 

Hela badseraren n’ayti dumal

Mala kak dadalte labhal cine

Kibi waq meqemxicil tet faxxe

Wocuh ayti cinteh is tewqe yee

 

Uma’bat gexa itte derfa marak

Faxxe wak wadir yudureni’yee

Isi moynobuh lafitah is marak

Uma curbi leh kasah raqte woh

 

Ko ke ku barra taqeltana

Ala ke lac ossimeh qellamah

Figu kure atu abtem meqe

Hela geyte yee

 

Xago mantu ken qaduwow xagah

Mabililta kenil intita yee

Figi nammay ittalih warisah

Wadir mayawqa ka yakke num